李江却台語文教基金會為著鼓勵閣較濟人進行台語創作佮研究，設立阿却賞。除了論文、詩、小說以外，這幾冬增設劇本ê獎項。2012年起，增加長篇小說獎，希望會當補齊台語文學所欠缺ê一塊。
《2013 A-Khioh賞－台語文學作品集》選入對2012年來，得獎ê一篇長篇小說佮兩篇劇本。邱偉欣ê長篇小說《Gíng》佇頭序對台灣這个島嶼講起，台灣人ê歷史記錄著被壓迫ê種種，親像路邊ê草仔予牛車「gíng」過ê性命，透過一个小庄頭「璧麗村」ê故事來敨開偌儕層層ê歷史。
劇本有林貴龍〈語言ê力量〉、陳廷宣（A-hi）〈Biàn-tsih內ê春天〉。〈語言ê力量〉透過口白、辯話骨將「語詞、諺語」展示出來，袂輸「行話」ê小教室，是展覽兼娛樂ê劇本。〈Biàn-tsih內ê春天〉是有關野球ê劇本，陳廷宣是台文界野球文學ê代表，掠「球是圓ê」、「第九局」來做重點，描寫心理，這齣劇本呈現有野心ê觀點，這是戲劇tsiah有法度清楚展現ê特點。
透過欣賞遮的作品，會當看著台語文學閣較開闊ê創作視野，嘛是長久以來，台語文運動ê小小展示。
作者簡介：
邱偉欣：
本人名叫做邱偉欣，今年已經三十七歲；tī台灣新竹市出世，tī下港高雄大漢。
我自來一直攏是自然科學ê研究者，主要ê研究題目是生物方面ê問題，mā因為按呢ê興趣kap空課，過去二十冬ê時間我對人文、社會，力士kap語言方面ê認捌tsiok少，會使講是tī leh「無知」ê狀況內底。
二十六歲ê時，我tī德國提著博士學位。彼段tī國外讀冊ê日子予我有機會開始認捌文化、社會kap語言。本底按算彼時就改途去做歷史學ê研究，suah因為各種因素，著書我回國了後繼續做生物方面ê研究，捌tī中央研究院做過博士後研究員，了後閣去大學內底教冊四冬。毋過，人生行到遮，總—是感覺有啥mi̍h所在閣有一个空，需要來補，mā毋願彼條beh繼續行—落去ê路就是現實ê狀況，壓迫我愛無奈接受。
所以我tī舊年將大學教冊ê空課辭掉，轉來故鄉高雄，重去佐學生，彌補家己，改途學人文科學。我無認為自然科學kap人文科學是互相對立—ê。我顛倒認為，in就親像人ê兩蕊目睭，兩項攏愛學，攏愛知，tsiah袂變做代誌看袂明ê一目仔。
Tī 這个重新學習ê過程內底，我真好運接觸著台語文，mā開始用台語寫作。我本身是客人，毋過因為國家ê語言政策閣加上我無tī客庄大漢，致使我ê客話無hiah輾轉。毋過，我ê阿媽講台語，我閣tī高雄大漢，所致我認為台語嘛是我ê母語！
我今仔日會選擇用台語來寫作，一方面是因為我ê台語比客語較輾轉，另外一方面－更加重要ê理由，是咱面對強勢ê華語霸權，台語（母語）寫作是保存/推sak台灣文化，必要ê、重要ê工具/手段！
就因為tsia-ê想法kap理念，我tsiah會來行這條決意袂回頭ê台文寫作ê路。我過去就有華文kap台文小說寫作ê經驗，毋過，毋捌寫過長篇小說。我長篇小說ê第一擺創作就獻予這篇《Gíng》
林貴龍：
教育部認證台語老師
內政部營建署認證室內設計師
2005年文建會合辦教師台語進階研習班講師
2006年全國海翁台語文學獎兒童文學副獎
2007年台北市政府追風台北新詩創作第5名佳作
2007年台北市教育局主辦台語師資初階研習班講師
2007年桃園縣教育局主辦台語師資初階研習班講師
2008年基隆市教育局主辦台語師資初階研習班講師
2009年板橋藝文獎新詩創作優等獎
2010年阿却賞台語短篇小說二賞
2010年新北市中小學教師文學創作閩南語新詩第一名
2010年新北市中小學教師文學創作閩南語標語第二名
台北市仁愛國小台語教師 台北市百齡國小台語教師
台北市立農國小台語教師 台北市關渡國小台語教師
台北市文昌國小台語教師 台北市至善國中台語教師
新北市江翠國中台語教師 新北市忠孝國中台語教師
編著：
精細的台語詞(2004)
台灣俗語對句(2006)
台語創新實戰教案(2007)
選入：
台語詩100首(2008)
笠詩刊270期雙月刊(2009)
台灣詩人節吟詩創作集(2010)
陳廷宣：
竹塹人
國立竹北高中
私立真理大學台文系
宣記粥飯麵食館負責人
捌擔任《湠根》台語文雜誌主編，捌提著竹塹文學獎、阿却賞台語文學獎等等；有出版《葡萄雨》台語植物散文集。
作者序
A-Khioh ê長篇小說 陳明仁
「小說」這个詞，ài讀文音「siáu-suat」，古早Tsi-ná出現ê「小說」，是儒家phì-siùnn ê「非合統治適用ê論說」，品訂為「下流」，kap 這時印象ê「小說」無相關。日本人明治維新了後，kā真濟近現代文化詞用漢字造詞，古早日本ê情節故事用「物語」、「補物帳」等ê詞。「文學、小說、散文」意思kap漢字原意干焦小可仔牽連niā-niā，這款詞ài讀文音，散文音「sàn-bûn」。
小說佇西方真早就有神話故事，用「novel」這个新奇ê形容詞做名詞，日本翻做「小說」若較無遐長篇--ê，就稱「novelette」，短篇小說就用fiction（想--ê、編--ê、假--ê），做正式ê名。純文學創作通常攏是編故事來舖排創作者ê「ideal」（理想），裝thānn 媠ê語言，用各族ê名字符號書寫。各族群讀者對作品ê回應，通常會引起思想ê轉變，「文藝復興」就是咱知ê情境。
長篇（novel）、中篇（novelette）、短篇（fiction）有時仔毋是真嚴格ê分類，長、短ê創作質性無完全相仝。古早時代ê世界名著攏規部，讀足久，彼陣ê人無啥gī-niū，較會當專心享受長篇小說。筆者初中ê時，工讀生覕佇圖書館，有時仔嘛偷借轉去讀，學科成績suah真䆀，高中tsiah tio̍h去台北夜間部掛名修學，毋過仝款讀世界長篇小說，回想--起來，也是幸福。
現代人時間真kiap，毋是時間ê單位較短，是分配予趁錢抑是心適ê gī-niū siunn濟，長篇小說就較敗市。
李江却台語文教基金會是專業ê台語文學運動組織，tshuàn講統治者無欲做，毋過台灣人袂堪得等ê事項，kap別款基金會性質無重疊，佇統治者無重視台語各族母語ê時代，出母語雜誌、組台文讀冊會，設獎勵台語文學獎kap台文學術論文獎賞，資源有限，賞金無濟，嘛佇文學界、學術界予有心--ê重視，這幾年koh增加戲劇文學ê獎項，戲劇佇文學類也是主流之一。
2012年起，想講長篇小說若無鼓勵，台語文學koh欠一塊，增設長篇小說賞，koh真正有志士來稿。2012年選出林貴龍ê小說，2013年選邱偉欣ê小說。邱偉欣是青年創作者，伊ê思維有新ê語言佮視野，內容無beh佇遮漏洩，予讀者家己去讀。
台灣現況真危險，台語文是台灣弱勢ê堅心守護兼創造者，逐个kīng力相thīn。
「看」兩齣戲－評2013 A-Khioh賞「劇本組」 施俊州
2013年ê A-Khioh賞設「劇本組」，入選兩篇：林貴龍，〈語言ê力量〉；陳廷宣（A-hi），〈Biàn-tsih內ê春天〉。林貴龍，2012年A-Khioh賞長篇小說獎ê得主。A-hi，講有寫詩、出一本散文集（2005），是講伊ê小說散散仔刊，tiānn-tiānn 予咱讀著目睭光。講透ki，in 攏是小說家ê範。
小說家寫劇本無啥毋著，嘛無啥物m毋好。跨文類寫作天公地道，欠跤手ê台語文學界，koh較thang鼓舞這lō「試寫」風氣。講bóng講，文類ê典型小比--一下，tsiah知戲就是戲；劇本寫作，對咱慣勢寫「字」、編意象，慣勢kō「字」講故事ê小說家、詩人來講，的確是挑戰。
〈語言ê力量〉ê「下齣」，用半thang光ê紗仔做幕，是規齣較「舞台」ê一場。戲文順順仔kā讀，就知寫作動機、目的無佇舞台，佇語言「教學」－透過口白展覽語言智識；辯話骨是這lō展覽兼娛樂ê手路。語彙、諺語一句仔一句「辯」--落來，免啥物寫劇經驗kap學問。〈語言ê力量〉予咱想著陳明仁佇BONG報、佇海翁《台語教育報》寫ê「專業行話」欄、「心適ê台語」欄，甚至月球唱片ê脫線系列爆笑劇。
〈Biàn-tsih內ê春天〉有較小說一-屑-仔。逐家掩名讀這篇，就知A-hi寫--ê。到這陣，台文界有leh寫野球文學--ê，就A-hi一个有代表性。A-hi ê野球文本íng-íng掠「球是圓--ê」、「第九局」做critical point，描寫心理、kí-tu̍h弊案。舞台設計、「觀點」誠有野心；戲kámē演--ê，是大問題。論這點，〈Biàn-tsih內ê春天〉毋是小說，是影戲；遐爾有野心ê「觀點」，ài kōo鏡頭呈現，tsiah有thang 合作者ê編寫動機。
吳念真講伊評電影劇本，頭一个標準：看戲ē演bē演--ê。是講，咱嘛有聽過林正盛hē伊ê想法：「ē演bē演--ê，錢摃--落就有」。技術性kap編劇本色ê問題，突顯戲劇教育kap咱ê劇場需求：sòng-hiong ê運動脈落，有法度獎勵優質劇本，「咱 ê劇場」kám就請ē起優質ê演出？Ah是講，有戲thang「讀」就好？－2014/2/20
A-Khioh ê長篇小說 陳明仁
「小說」這个詞，ài讀文音「siáu-suat」，古早Tsi-ná出現ê「小說」，是儒家phì-siùnn ê「非合統治適用ê論說」，品訂為「下流」，kap 這時印象ê「小說」無相關。日本人明治維新了後，kā真濟近現代文化詞用漢字造詞，古早日本ê情節故事用「物語」、「補物帳」等ê詞。「文學、小說、散文」意思kap漢字原意干焦小可仔牽連niā-niā，這款詞ài讀文音，散文音「sàn-bûn」。
小說佇西方真早就有神話故事，用「novel」這个新奇ê形容詞做名詞，日本翻做「小說」若較無遐長篇--ê，就稱「novelette」，短篇小說就用fiction...
目錄
序言
台語長篇小說－Gíng
台語劇本－語言ê力量
台語劇本－Biàn-tsih內ê春天
序言
台語長篇小說－Gíng
台語劇本－語言ê力量
台語劇本－Biàn-tsih內ê春天
購物須知
退換貨說明：
會員均享有10天的商品猶豫期（含例假日）。若您欲辦理退換貨，請於取得該商品10日內寄回。
辦理退換貨時，請保持商品全新狀態與完整包裝（商品本身、贈品、贈票、附件、內外包裝、保證書、隨貨文件等）一併寄回。若退回商品無法回復原狀者，可能影響退換貨權利之行使或須負擔部分費用。
訂購本商品前請務必詳閱退換貨原則。
2024專利防護中