「雲嘉南」一直是我民俗研究的範圍，尤其是西濱沿海地帶，因為遮是臺灣王爺信仰、王船祭典上蓋豐富、多元、複雜的所在，嘛會使講是上蓋精彩的一个區域；這本《民俗，雲嘉南》所寫的，攏是「雲嘉南」範圍內誠有代表性的民俗活動，看會著、鼻會著，嘛摸會著。 「雲嘉南」的觀光資源，毋爾是佇曠闊、美麗的自然景觀而已，閣較是佇鬧熱、純樸的人文景觀，這是人民佮這塊土地長期互動而產生的生活哲學，用按呢安身立命，用按呢「奮鬥人生中」，這才是「雲嘉南」深沉的內涵。有幾若擺的機會，我攏共前處長鄭榮峯先生建議，人文景觀是「雲嘉南」的血液、骨髓，適當開發、宣傳，對觀光的發展，絕對有加分的作用，這才促成了包括《民俗，雲嘉南》這套冊的誕生。「有人興燒酒，嘛有人興豆腐」，有人愛看美麗的鹽鄉，嘛有人愛看鬧熱的民俗，鹽鄉大地、民俗廟會攏是「雲嘉南」這塊土地上媠的風景。 這本冊，我共定位佇觀光旅遊手冊，所以，我放棄無啥滋味的歷史論述，只用上蓋簡單的句讀（kù-tāu），表達每一項民俗活動的內容、內涵佮伊的媠，有興趣的朋友，會使參考內文、基本資料佮小叮嚀，「按圖索驥」進入民俗現場，無仝款的民俗廟會，無仝款的舉行季節，絕對有無仝款的趣味，無仝款的體驗。 「雲嘉南」的媠，毋爾是大海、鹽埕、海鳥仔、紅樹林……，刈香、請水、蜈蚣陣、牽水車藏……，閣較會動人心脈；遮爾媠的人文風景，應該愛予伊粉墨登場，愛予伊拋頭露面囉。

退換貨說明：

會員均享有10天的商品猶豫期（含例假日）。若您欲辦理退換貨，請於取得該商品10日內寄回。

辦理退換貨時，請保持商品全新狀態與完整包裝（商品本身、贈品、贈票、附件、內外包裝、保證書、隨貨文件等）一併寄回。若退回商品無法回復原狀者，可能影響退換貨權利之行使或須負擔部分費用。