得獎紀錄：香港金閱獎—最佳社會政經書籍

廟街買校服，九公捉伊人

我由細到大都住佐敦，南京街、廟街一帶我熟晒。起初我間屋係租嘅，到八十年代有大集團收購咗我哋棟樓，叫我哋買咗佢，我哋屋企人比較多，阿爸阿媽加五兄弟姊妹，老豆覺得我哋住返喺度會舒服啲，就買咗間屋分十年供，自己做多幾份工搵錢，阿媽同我哋五兄弟姊妹就一齊喺屋企黐膠花，雖然辛苦，但係生活得好開心。大家姐最早出嚟做嘢，大佬中五後都出嚟做嘢幫補家計，我就中三開始做兼職。

廟街乜都有，好多最新嘅衫褲鞋襪，連買件校服都有型啲，校服褲有兩個褶或三個褶。有一次我去買校服褲就同個老闆講，一陣我會同阿媽一齊嚟買，我阿媽實會講價，條褲原價65蚊，你同佢講100蚊，最後收返佢65蚊就得啦，你又唔使蝕本，我又買到條褲。結果我同阿媽去到，阿媽去到果然叫人「平啲、平啲」，我同老闆打個眼色，原價成交，奸計得逞。
由佐敦跑去尖沙咀好近，我同一班小學中學同學仔就成日跑去九龍公園踢波，嗰陣九龍公園有兩個足球場，我同班鄉里去跟隊，初頭我係打前鋒嘅，後來開始唔夠氣就轉去守龍，隊友見我打得幾好，好過打前鋒咁獨食，我就一直守龍，嗰陣都算係鋼龍。近年工作忙，韌帶又受咗傷，就好少踢波啦。除咗踢波我都有打曲棍球，仲係懲教嘅代表隊，成績都唔錯，算係甲組尾乙組頭，通常一年打乙組打到冠軍，升班到甲組第二年又降班。九龍公園其他角落我都玩勻晒，平日阿爸阿媽會帶住成家人去散步、睇風景。我同一班朋友都會喺九龍公園周圍玩，跑來跑去，玩何濟公、伏匿匿、捉伊人。

重慶大廈係另一個我哋成日去嘅地方，喺重慶食咖哩比出面抵啲又地道啲，不過其實我哋唔係成日出街食飯，始終一家七口喺屋企買餸煮飯平好多，你哋可以留意下，喺出面嘅餐廳酒樓好少會見到我哋啲鄉里。阿媽係家庭主婦，多數都係煮印度菜，不過其實我鍾意食Chinese food多啲，阿媽間中會煮公仔麵，加啲白菜、芥蘭、雜豆、魚蛋，或者炒飯炒麵，我哋唔食蝦、牛，但可以食豬肉，或者買啲叉燒，我都一定清晒，覺得好正，反而煮印度菜會食剩。去重慶另一個目的就係租錄影帶睇，嗰陣仲係VHS年代，但我哋屋企冇錄影機，就會去重慶租啲印度片去人哋屋企睇，印度電影業都幾發達，每日都有一至三套電影，香港嘅電視台當年星期日下晝都會播印度片，我哋拜完神返屋企就會睇。我其實更鍾意睇香港電影，鍾意睇李小龍、成龍、許冠傑、周星馳，但屋企人鍾意睇印度片，我一個人邊夠佢哋爭？想睇香港電視劇更加唔使旨意，屋企電視好難爭，老豆返屋企會睇英文新聞台，睇完就到老媽子大佬家姐睇印度片。

老豆一個月都會帶我.一家人出去玩一次，荔園、海洋公園都去過好幾次，掟銀仔、過山車、水族館、100米高空跳水、殺人鯨等等都係我細個好開心嘅回憶。當年沙田仲係好偏僻嘅地方，老豆有時會帶我哋去沙田食中國嘢，價錢比市區平好多，燒賣、腸粉、炒飯、炒麵我都好鍾意食。

廟街買校服，九公捉伊人

我由細到大都住佐敦，南京街、廟街一帶我熟晒。起初我間屋係租嘅，到八十年代有大集團收購咗我哋棟樓，叫我哋買咗佢，我哋屋企人比較多，阿爸阿媽加五兄弟姊妹，老豆覺得我哋住返喺度會舒服啲，就買咗間屋分十年供，自己做多幾份工搵錢，阿媽同我哋五兄弟姊妹就一齊喺屋企黐膠花，雖然辛苦，但係生活得好開心。大家姐最早出嚟做嘢，大佬中五後都出嚟做嘢幫補家計，我就中三開始做兼職。

廟街乜都有，好多最新嘅衫褲鞋襪，連買件校服都有型啲，校服褲有兩個褶或三個褶。有一次我去買校服褲就同個老闆講，一陣我會同阿媽一齊嚟買，...

序一
好多年前看《殘酷一叮》見到喬寶寶，就好欣賞這個人，好佩服他的膽量與天份。他不怕表達自己，是天生的entertainer。記得他用胸毛剪出了TVB的字樣，好有新意，好搞笑，如果我有毛，都會學他這樣做。我相信人人都有天份，有人唱歌，有人做戲，有人搞笑，寶寶好有語言天份，廣東話、英文、印度話都好叻，能夠吸引觀眾聽他說話，又有觀眾緣，這種才華我想學都學不到。就如我欣賞周星馳引到我笑，欣賞李小龍、甄子丹、李連杰、成龍的功夫，他們都是天才。自己做不到的，一定要欣賞，一定要佩服。當然有天份，還要努力，我自己唱歌幾十年，也是工多藝熟而已。寶寶正正是個好努力的藝人。

寶寶是印度裔的，而我就是葡中混血兒，我爺爺公公是葡國人，嫲嫲婆婆是中國人，我們都不是純正華人，但都是純正香港人。我是婆婆湊大的，婆婆不識英文，所以我自小廣東話就好流利。我曾經移民美國，但在美國做不到自己喜歡的工作，感覺還是香港最好。寶寶和我一樣愛香港，移民蘇格蘭之後還是回來做自己喜歡的工作，好勤力，好顧家。其實任何國籍都不重要，不管印度、非洲、英、美、法，人在世上是平等的，分別只是際遇有好壞，際遇不好就加倍努力，我自己就親耳聽人說過：「我唔識唱歌，但我搵錢多過你。」我毫不介意，只說：「多多指教，要跟你學嘢。」我不怕辛苦，不怕累，不怕落井下石，都經歷過了。寶寶也經過不少難關，但都努力謙虛面對，好值得學習。
信耶穌也好，信觀音也好，甚麼宗教都不重要，做人最緊要還是心地好，幫到人，又做到自己喜歡的事，不用富貴，但求唔使閉翳，人生已經好快樂。寶寶今天出書，我首先恭喜他，希望他保持身體健康，為自己喜歡的事努力，多唱好歌，繼續搞笑，同我一齊唱到八十，開開心心，唔使閉翳。
Joe Junior


序二
好高興寶寶邀請我為他的新書寫序，其實在很久以前我便認識寶寶，他和我兒子、女兒就讀同一間學校，大家是同學。從小他就很努力去學習講廣東話，用拼音來練習每個中文字，所以他的廣東話可以講得那麼好。

多年沒見，再次見到他是在《殘酷一叮》電視節目上，看見他鬼馬、有趣的演出，讓大家看到他多才多藝的一面。我知道他一直以來都很努力丶認真地做好每一份工作，知道他的新書要出版時候，真的為他感到高興。
認識寶寶的人都知道他是一個好爸爸，好丈夫。曾經有一段時間他為了家人選擇了移民去蘇格蘭居住，暫別了娛樂圈一段日子。
兩年多前他決定要回歸香港，重身投入娛樂圈工作，認真努力工作的他，讓大家感到只要堅持信念，永不放棄，成功總會在望。這就正正是香港精神。
《香港製造》是一本很有趣的書籍，因為它記錄了一個在香港出生，印度裔，拿英國護照的喬寶寶從小到大生活在香港上遇到的種種趣事和難忘的經歷。希望大家能夠和我一起發掘這本「書」的樂趣！
Maria Cordero（肥媽）


序三
誰是香港人？這類涉及身份認同的討論，很容易進入泛政治化的困局，而這不是我的興趣。作為國際關係研究者，我著重的只是香港的多元文化背景，從來深信眾多長期居於香港、乃至土生土長的少數族裔，都是「真・香港人」。假如香港早期沒有英國人、印度人、波斯人、亞美尼亞人、猶太人的貢獻，福利社會、公共建設、第三部門的發展，都會面目全非；假如近年沒有各種少數族裔填補經濟體系的基礎，整個香港經濟奇蹟，也會黯然失色。《香港製造》的主人公喬寶寶，正能讓我們、以及「他們」，從另一個角度，認識香港。
和大眾一樣，我認識喬寶寶，都是通過《殘酷一叮》。他很有觀眾緣，也很有香港人處世的練達，不過正如他在書中所述，與香港的緣分，也並非順風順水。他的小兒子出生時即逢重病，一直在蘇格蘭治療，但他的印度裔妻子申請香港特區護照時被拒，不得不舉家移民蘇格蘭。這段經歷，我曾多次在自己的Facebook專頁分享，除了為其不平，也因為這案例觸及不同對國籍、身份的理解。我不是血緣論者，相信身份認同是共同建構的，無論持甚麼護照，哪個香港人不當喬寶寶一家是自己人？

這本自傳，正是喬寶寶用自己的人生經歷，詮釋南亞裔對香港的認識。說起自己對香港、香港人的認知，喬寶寶用得最多的一個詞是「勤力」：他相信自己在香港的勤力奮鬥終會獲回報，但究竟這份精神在「新香港」是否繼續存在，卻難斷言。他對「廟街」、「港女」、「廣東話」等種種香港社會特質，都有深刻體認，坦言儘管自己現在是印度裔、英國籍，但仍以「香港人」的身份自豪。這種悲情，在香港中產階級當中，深獲共鳴。喬寶寶問「我們（「香港製造」的南亞裔人）算不算香港人？」這問題，值得每一個香港人反思。
沈旭暉
香港中文大學社會科學院副教授及全球研究課程主任

序一
好多年前看《殘酷一叮》見到喬寶寶，就好欣賞這個人，好佩服他的膽量與天份。他不怕表達自己，是天生的entertainer。記得他用胸毛剪出了TVB的字樣，好有新意，好搞笑，如果我有毛，都會學他這樣做。我相信人人都有天份，有人唱歌，有人做戲，有人搞笑，寶寶好有語言天份，廣東話、英文、印度話都好叻，能夠吸引觀眾聽他說話，又有觀眾緣，這種才華我想學都學不到。就如我欣賞周星馳引到我笑，欣賞李小龍、甄子丹、李連杰、成龍的功夫，他們都是天才。自己做不到的，一定要欣賞，一定要佩服。當然有天份，還要努力，我自己唱歌幾十年...

序——Joe Junior
序——Maria Cordero（肥媽）
序——沈旭暉博士
自序

第一章：故鄉
我阿爺係印度農夫
我老豆嚟自上海

第二章：我喺廟街大
廟街買校服，九公捉伊人
打交趕出校，只為周星馳
裕華買筷子，學食魚蛋麵
喬寶寶 X 阿星（Singh Taranvir）：做個快樂七星仔

第三章：做到隻積咁嘅樣
麥記洗廁所，垃圾房食包
家鄉雞搣籮柚，必勝客托汽水
走甩船民，打機斷正
監獄風雲，烏龍百出
林過雲嘅眼神，葉繼歡嘅問候
司法界最黑暗一日
16個年頭，11個環頭
喬寶寶X Jeff（Jeffery Andrews）：重慶大廈的故事

第四章：我墮入情網，你卻在……
我為港女著迷
三張相，揀個印度娃娃
盲婚啞嫁印度之旅

第五章：全城盡興，殘酷一叮
試叮老翻王
第七集：甩晒拍子，全靠舞姿
第八集：大蝦細，畀屎餵
終極比拚：印度娃娃
叮皇爭霸戰：無冕叮皇
叮皇巧遇特首
喬寶寶X 阿V（Vivek Mahbubani）之一：棟篤笑，笑自己

第六章：娛樂圈趣聞
辭職拍電影，叮皇冇情講
深水埗托布托入電視城
喬嫂嫂粉墨登場
拍三級片得罪鄉里
多謝圈中三位恩師

第七章：為下一代放棄香港
生老病死四部曲
歷史真係重演
眉頭今天不再猛皺
2020告別香港棟篤笑
喬寶寶 X 畢艾美（Butt Asma Ali）：我愛香港，香港愛我嗎？

第八章：同熱愛這片土地
我唔係阿差
我愛廟街貨
我愛廣東話
我係香港人
喬寶寶X 阿V（Vivek Mahbubani）之二：煩惱即笑話

序——Joe Junior
序——Maria Cordero（肥媽）
序——沈旭暉博士
自序

第一章：故鄉
我阿爺係印度農夫
我老豆嚟自上海

第二章：我喺廟街大
廟街買校服，九公捉伊人
打交趕出校，只為周星馳
裕華買筷子，學食魚蛋麵
喬寶寶 X 阿星（Singh Taranvir）：做個快樂七星仔

第三章：做到隻積咁嘅樣
麥記洗廁所，垃圾房食包
家鄉雞搣籮柚，必勝客托汽水
走甩船民，打機斷正
監獄風雲，烏龍百出
林過雲嘅眼神，葉繼歡嘅問候
司法界最黑暗一日
16個年頭，11個環頭
喬寶寶X Jeff（Jeffery Andrews）：重慶大廈的故事

第四章...